Main Image

25

ნოე

2024 წლის 25 ნოემბერს, თეგეტა აკადემიის ფოთის ფილიალში პროფესიულ მომზადება/გადამზადების ორ პროგრამაზე სასწავლო პროცესი დაიწყო. 
 
პროფესიული მომზადების პროგრამაზე „პორტალური და ჯოჯგინა ამწის ოპერატორი“ ჩაირიცხნენ ის პირები, რომლებმაც დააკმაყოფილეს პროგრამაზე დაშვებისა და მიღების წინაპირობები, ხოლო პროფესიული გადამზადების პროგრამაზე „პორტალური და ჯოჯგინა ამწის ოპერატორი“ ჩაირიცხნენ პარტნიორი კომპანიის შპს „ტრანსფორდის“ თანამშრომლები.
 
თეგეტა აკადემიის გუნდმა მსმენელებს გაცნობითი სახის შეხვედრა ჩაუტარა, პროფესიული განათლების მასწავლებლებმა კი გააცნეს პროგრამის შინაარსობრივი ნაწილი და სასწავლო განრიგი. ასევე, მსმენელებმა დაათვალიერეს სასწავლო დანიშნულების სიმულატორი და გაიარეს პრაქტიკული მოსინჯვა.
 
თეგეტა აკადემია ულოცავს მსმენელებს სასწავლო პროცესის დაწყებას და უსურვებს წარმატებას!

___________________________________________
პროფესიული მომზადების/გადამზადების პროგრამები ხორციელდება ა(ა)იპ - პროფესიული უნარების სააგენტოს ფინანსური მხარდაჭერით და შპს „ტრანსფორდის“ პარტნიორობით.