მსუბუქი ავტომობილის კომპიუტერული დიაგნოსტიკა

 პროგრამის სახელწოდება: მსუბუქი ავტომობილის კომპიუტერული დიაგნოსტიკა

პროგრამის ხანგრძლივობა: 22 კვირა

მსმენელთა საერთორაოდენობა პროგრამაზე: 20

რეგისტრაციის პერიოდი: 13-31 მარტი, 2026
რეგისტრაცია უნდა გაიაროთ პროფესიული განათლების პორტალზე: Vet.ge

 
პროგრამის მიზანი: 

პროგრამის მიზანია მოკლე დროში მოამზადოს ისეთი სპეციალისტები, რომლებიც შეძლებენ მსუბუქი ავტომობილების კომპიუტერულ დიაგნოსტიკას შრომის ბაზრის მოთხოვნების შესაბამისად. პროგრამა ავითარებს თეორიულ ცოდნასა და პრაქტიკულ უნარებს თანამედროვე დიაგნოსტიკური მოწყობილობების შესახებ, რაც უზრუნველყოფს მსუბუქი ავტომობილის სისტემების მუშაობის შეფასებას, ტექნიკური გაუმართაობის ზუსტ იდენტიფიცირებას და შეკეთებას. 

პროფესიული მომზადების პროგრამაზე „მსუბუქი ავტომობილის კომპიუტერული დიაგნოსტიკა“ სწავლა შეუძლია ყველა დაინტერესებულ პირს, რომელსაც უდასტურდება საბაზო განათლება, არის არანაკლებ 17 წლის და სურს დაიწყოს კარიერა საავტომობილო სფეროში, მიიღოს თეორიული და პრაქტიკული ცოდნა. აღნიშნული პროგრამა მორგებულია მსმენელთა საჭიროებებზე, ორიენტირებულია სწავლების მაღალ ხარისხზე და დაფუძნებულია საუკეთესო ადგილობრივ გამოცდილებაზე. სწავლების 22 კვირის განმავლობაში შესაბამისი სიმულაციური ამოცანების მეშვეობით მსმენელები გაიმყარებენ თეორიულ ცოდნასა და პრაქტიკულ უნარებს. სწავლებისა და შეფასების გამოყენებული მეთოდები უზრუნველყოფს კვალიფიციური კადრების მომზადებას და მათი დასაქმების შესაძლებლობების გაუმჯობესებას. 
პროგრამის დასრულების შემდეგ კურსდამთავრებული მიიღებს სახელმწიფოს მიერ აღიარებულ პროფესიული განათლების დამადასტურებელ ორენოვან სერტიფიკატს დანართით, რომელშიც ფიქსირდება პირის მიერ პროგრამის ფარგლებში მიღებული ცოდნა და უნარები. კურსდამთავრებულებს ექნებათ შესაძლებლობა დასაქმდნენ საავტომობილო სფეროში მსუბუქი ავტომობილის კომპიუტერული დიაგნოსტიკოსის მიმართულებით. 

სწავლის შედეგები:

1. მსუბუქი ავტომობილის დაკიდების სისტემის საჭით მართვისა და სამუხრუჭე სისტემის კლასიფიცირება; 
2. მსუბუქი ავტომობილის ტრანსმისიის კლასიფიცირება; 
3. მსუბუქი ავტომობილის შიგაწვის ძრავასა და ელექტრო ძრავას კლასიფიცირება; 
4. ზოგადი ელექტროტექნიკური გაზომვების განხორციელება; 
5. საავტომობილო სერვისში არსებული ბიზნეს პროცესების იდენტიფიცირება; 
6. დიაგნოსტიკის აპარატების, ელ. ნახაზების და სქემა-მანუალების გარჩევა; 
7. შიგაწვის ძრავას ელ. დიაგნოსტიკის განხორციელება; 
8. დაკიდების საჭით მართვის, სამუხრუჭე სისტემის და ტრანსმისიის ელ.დიაგნოსტიკის განხორციელება; 
9. უსაფრთხოების სისტემების ელ.დიაგნოსტიკის განხორციელება; 
10. გაშვება-დამუხტვის ელ. დიაგნოსტიკის განხორციელება; 
11. გათბობა-კონდიცირების სისტემის ელ.დიაგნოსტიკის განხორციელება 

სასწავლო გრაფიკი:
 
სალექციო შეხვედრები შედეგება ყოველდღე (შაბათ-კვირის გარდა)
სასწავლო პროცესი ჩატარდება 10:00-დან 14:00 საათამდე

 

აპლიკანტთა შერჩევის ფორმა:

1. ტესტირება  
2. გასაუბრება 

გაითვალისწინეთ, რომ პორტალზე რეგისტრაციის შემდეგ აუცილებელია ისევ შეხვიდეთ სისტემაში და აირჩიოთ თქვენთვის სასურველი პროგრამა 

 
სწავლის დაწყების თარიღი: 27 აპრილი, 2026

პროგრამის განხორციელების ადგილი: ქ. თბილისი

კითხვების შემთხვევაში დაგვიკავშირდით: 0322 26 44 46